Carta donacionis de Nunone Johannis de Ordilde de hereditate de Pineyro et de Villa Outa et de Figeyroo.

In Dei nomine. Notum sit omnibus quod ego Nuno Iohannis de Ordilde, clericus, pro me et pro omni uoce mea grato animo et spontanea uoluntate do et dono et firmiter habere concedo vobis domno Petro Martini abbati et conuentui Sancti Justi de Togis Altis pro anima mea et parentum meorum quantam hereditatem ego habeo de auolencia et de ganancia in Pineyro et in Vilouta in filigresia Sancte Marie de Ordilde. Item do vobis et dicto conuentu quantam hereditatem habeo in Figeyroo que est in filigresia Sancti Uincencii de Aquis Sanctis. Item do uobis in predictis locis meam sextam de quanta hereditate Vrraca Fernandi, quondam matertera mea, ibi habebat, quam sextam ego comparaui de filio suo Nuno Guasta. Et decetero uos et dictum monasterium faciatis de predictis hereditatibus totam uoluntatem uestram imperpetuum, et transfero in uos nomine dicti monasterii possessionem et dominium predicte hereditatis. Siquis contra hanc donationem meam uenerit sit maledictus usque in VII^am generationem et insuper pectet solidos CCC fortis monete; donatione ista nichilominus in suo robore permanentibus.

Facta carta IIe kalendas maii sub era M^a CC^a LXL^a.

Ego iamdictus in hac carta manus meas. //

Q. p. f.: Pelagius Pelagii, prior. Dominicus Martini, infirmarius. Martinus Saniz, monachus Sancti Justi. Johannes Laurencii, campsor. Petrus Iohannis dictus Frade de Ciquiello. Sancius Roderici et Fernandus Iohannis, clerici compostellani. Fernandus Petri dictus Aluoreth. Johannes Martini, rector ecclesie Sancte Marie de Rua Noua, et frater eius Petrus Martini dicti de Congustra.

Ego Petrus Didaci, notarius concilii compostellani juratus, interfui et conf., et de mandato meo infrascriptus Dominicus Petri scripsit.

Ego Dominicus Petri interfui et de mandato Petri Didaci, notarii concilii compostellani jurati, scripsit.