Carta Maioris Ordonii de Helsende de Sancto Petro de Castro et de Cerzon et do Esar et de Malou et de Palazos et d’Aspii.

In Dei nomine. Ego Maior Ordonii et omnis uox mea vobis domno Petro, monasterii Sancti Iusti abbati, et omni conuentui eiusdem loci et uniuersis successoribus uestris ibidem Deo seruientibus facio spontaneum testamentum et cartam donationis imperpetuum ualituram de omnibus hereditatibus meis quantas habeo uel habere debeo ex parte patris mei Ordonii Anfonsi et ex parte aui mei Affonsi Saniz, uidelicet in villa Helsendi quantum ibi habeo, in Sancto Petro de Castro VI^a cum suis atestationibus intus et foris, et Cerzom et Hesar et Malou et Palacios et Aspii et per ubicumque illas in his locis inuenire potueritis, et pro parte mea uobis et monasterio uestro uendicate cum omnibus suis directuris siue pertinenciis. Dono igitur et concedo monasterio predictas hereditates et criationem meam, uidelicet Martinum Nigrum cum omni generatione sua que ab eo precesserit qui sunt nepotes Aruffi sicut iam olim prefato monasterio ipsas hereditates similiter et creationem dederunt fratres mei scilicet Froyla Mannus et Toda Ordonii et concesserunt habere imperpetuum; et hoc facio pro amore Dei et beate semper uirginis Marie et beatorum Justi et Pastoris et omnium sanctorum quorum reliquie ibi continentur ut eorum pia intercessione anima mea et parentum meorum apud Deum peccatorum ueniam consequitur, et insuper quia promittitis me continere de uictu et uestitu in tota uita mea et etiam participem facitis in cunctis uestris et successorum uestrorum beneficiis et orationibus. Habeatis igitur ex hodierno die iamdictas hereditates et quicquid ad eas pertinet et possideatis illas iure hereditario uos et omnes successores uestri post uos imperpetuum amen. Siquis igitur ex parte mea uel extranea hoc meum testamentum uoluntarie factum ad irritum deducere temptauerit et monasterium super his predictis hereditatibus inquietauerit sit maledictus, amen, et insuper componat uoci regis mille solidos; et hoc testamentum ius perpetuum obtineat et uigorem

Ego Maior Ordonii in hoc testamento manus meas roboro.

Facto testamento in era M^a CC^a X^a et quotum idus maii.

Q. p. f.: Domnus abbas Petrus Munionis, ts. Martinus Pelagii, prior, ts. Johannes Petri, cellararius, ts. Aluitus Munionis, ts. Domnus Remundus Petri, milex, conf. Petrus Romeu, miles, conf. Johannes Didaci, miles, conf. Fernandus Fernandi, miles, conf. Petrus Caluus de Molino, conf. Martinus Garsia de Paradela, conf. Martinus Martini, conf.

Petrus qui notuit, conf.