1207/10/07.
Placitum filiorum predicti Petri Arie cum monasterio super testamentum ipsius.Svb era Ma CCa XLa Va et quotum nonas octobris. Nos insimul filii Petri Arie, Ramudus uidelicet Petri et Arias Petri et Petrus Petri et
Maior Petri cum uiro meo Munione Didaci et omnis uox nostra, facimus pactum et nuntionem in solidos D roboratam vobis domno Petro, monasterii Sancti Iusti abbati, omnique conuentui eiusdem loci et omni uoci uestre ut nunquam nos nec homo pro nobis calupniemus nec contradicamus uobis mandationem patris nostri Petri Arie, sed in presenti laudamus et roboramus eam et concedimus et renuntiamus uobis hereditates et homines et quantum in ea uobis pater noster mandauit, propter quod abbas Sancti Iusti et omnis conuentus per mandatum et laudamentum Johannis Petri de Saz et Petri Suerii de Quintanela et Johannes Ramundici et Petri Besezo datis nobis de denariis uestris CC solidos et hereditatem de Ueenru tam de auolencia quam de ganancia quam uobis pater noster Petrus Arie mandauerat, excepto quod non datis ibi nobis portionem Marine Ouequiz quam uobis ipsa mandauit et pater noster de uobis in prestimonio tenuit, nec porcionem germani nostri Fernandi Petri, nec hereditatem Arie Petri quam in pignore tenetis pro CC XXXa IIIIor solidos, nec portionem tie nostre Vrrace Arie que quarta de hereditate matris sue habet in Ueenru et quartam in Soeuos quam uos in uita sua tenere debetis et de ea ipsi prestare et post obitum suum quitam et paccatam habere. Datis itaque uos nobis predictam hereditatem de Ueenru de auolentia et de ganantia patris nostri quam uobis ipse mandauerat tali pacto et conuenientia ut nos non uendamus eam nec suppignoremus nec etiam donemus nisi uobis et monasterio uestro et uos similiter hereditates quas per mandationem patris nostri et ex parte nostra habetis nunquam uendatis nec suppignoretis nec etiam in prestimonio detis nisi nobis uel generi nostro. Et etiam uos domnus Petrus monasterii Sancti Iusti abbas et omnis conuentus pro mandatione patris nostri quam nos pariter et unanimiter laudamus et roboramus datis nobis prenominatis filiis Petri Arie et conceditis partem beneficii monasterii uestri et recipitis nos pro familiares et fratribus uestris in uita et in morte. Et nos ita ex // parte nostra uobis conuenimus et ex hodie nos met ipsos uestro proferimus monasterio ut si dominus religionis habitum sumere nobis donauerit in uestro sumamus monasterio et ibi corpora nostra sepulture mandemus et non alibi et nos semper uobis bene faciamus et uos nobis sicut professis et familiaribus uestris. Siquis nostrum hoc non compleuerit uel in aliquo deuiauerit pariat penam dupli.
Nos insimul filii Petri Arie Ramundus Petri et Arias Petri et Petrus Petri et
Maior Petri in hoc placito quod fieri iussimus manus nostras roboramus.
Q. p. f.: Johannes Petri de Saz, \conf./ Petrus Suerii de Quinteela, conf. Johannes Reymundici, conf. Petrus Besezo, conf. Fernandus Petri, iudex, ts. Johannes Caualarius de Traua, ts. Petrus Muniz, miles, ts. Qui insimul mandauerunt et laudauerunt.
Dominicus, presbiter et cantor, qui notuit et conf.