In nomine domini amen. Sub era Mª CCCª XLª [...]. Noverint universi que reverendus pater domnus frater I., miseracione divina lucensis episcopus, ex parte una, et donnus Arie Petri Pardis compostellanis ac lucensis ecclesiarum decanus, et capitulum eiusdem lucensis ecclesie, ex altera; per pulsacionem campane congregati in loco solito ut est moris, faciunt inter se permutacione seu concambium perpetuo valiturum [...] videlicet predictus donnus episcopus dat dicto capitulo quandam domum suam qui est in civitate lucensis in vico de Burgo Novo, in qua modo moratur Marina Romina, et iacet inter domun Pelagii Roderici ex parte una, et domus filiorum quondam Petri Michaelis de Burgo Novo, ex altera; cum pertinenciis et directuris suis, iure hereditario possidendam. Et decanus et capitulum supradicti dant similiter, dicto domno episcopo, pro supradicta domo, quandam domum suam qui vulgariter vocatur Forno de Paaço, qui domus est iuxta domos donni episcopi, iure hereditario possidendam cum pertinenciis et directuris suis. De qua permutacione seu concambio partes predictas rogaverunt me Franciscum Lupi, publicum notarium lucensis, publicum fieri instrumentum.

Presentibus: donno episcopo et decano praeffatis, et aliis de capitulo.

Et ego Franciscus Lupi, notarius suprascriptus, rogatus promissis interfui et presens instrumentum scripsi, et signum meum assuetum apposui in testimonium veritatis.

SIGNO