Carta de Pelagio Petri et de sororibus suis Guina et Marina et Maria et Adosinda de hereditate de Villa Uerde.

In Dei nomine. Ego Pelagius Petri et sorores mee Guyna et Maria et Marina et Adosinda vobis domno Petro, monasterii Sancti Justi abbati, omnique conuentu monachorum eiusdem loci in Domino Deo eterno salutem, amen. Placuit nobis per bonam pacem, nostra fuit uoluntas ut faceremus vobis cartula uendicionis et textum scripture firmitatis de quanta nostra hereditate quam habemus in territorio Pestomarchis subtus monte Petra Longa discurrente riuulo Tamar concurrente aula Sancte Marie uirginis in loco certo villa nominata Villa Uiride. Vendimus uobis de ipso casale qui fuit de Ordonio Romaniz et de uxore eius Adosinda Affonsi de quarta integra, accipiant III^es quartas et faciant de eis IIII^or, et una quarta est de Johanne Pelaiz, presbitero, et alia de Petro Pelayz, et alia de Affonso Pelayz, et alia de Ordonio Pelayz; de ipsa de Petro Pelayz damus uobis IIII^or quintas, et de illa quarta que super est damus uobis de una VII IIII^or quintas; et de illa alia uoce de Roo que uadit ad Villam Uiridem, de illa tercia de Trasfluuio media fuit de Pelagio Caluo et de uxore eius Guyna Ordonii, de media de Guyna Ordonii de una quarta damus uobis IIII^or quintas, et de media Pelagii Calui de una VII^a similiter quatuor quintas. Damus uobis atque concedimus pro precio nominato quod de uobis accepimus, scilicet solidos LX^a, quod nobis et uobis bene complacuit; et de precio apud uos, et cetera.

Siquis tamen homo contra hoc nostrum uoluntarium factum uenerit pectet uobis solidos CCC.

Ego Pelagius Petri et soror mea Guina et Marina et Adosinda in hac carta, et cetera.

Facta kartula uendicionis sub era M^a CC^a X^La VI^a et quotum V^o kalendas aprilis.

Q. p. f.: Petrus Martiz, ts. Petrus Iohannis, ts. Petrus Pelayz, ts. Pelagius Iohannis de Canal, conf. Pelagius Iohannis de Pastoriza, conf. Johannes Pelaiz, diaconus, conf. Totum concilium ecclesie Sancte Marie de Roo, conf.

Ordonius, clericus, qui uidit et audiuit et notuit, conf.