In Dei nomine. Ego Argilevua Danieliz pariter cum viro meo Pelagio Salvatoriz cum filiis nostris, vobis domno et patri atque abbati Cellenove domno Petro, et fratribus monasterii vel voci vestre perpetuam in Domino salutem. Proprio consilio et pura mente placuit nobis facere vobis scripturam firmitatis et cartulam venditionis secundum et facimus de superato nostro proprio cum suo solato quod abuimus hic ad aulam sancti Iacobi apostoli loco certo in illo campo, in quintana ubi habitaverunt Sisnandus Yldebreiz et Sisnandus Argimirizi. Et nos comparavimus de Petro Sarraciniz, filio de Fredenanda, et ganavit eam de Ero Roderiquiz per suam cartam inter casas de Sancia Pelaiz et contra domum de sancto Laurentio, intus in illa quintana ad illam portam cum suo tegumento et exitu et parietibus aquam in circuitu vertentibus quantum nostra veritas est, et iuri nostro actenus tenemus et in cartas resonat ab omni integritate vobis vendimus, sub uno obtentu de illa vestra corte quam abetis de Cipriano Sisnandiz pro pretio quod de vobis accepimus de argento regalis monete solidos Cm, et quod nobis bene complacuit et de pretio aput vos nichil remansit solvendum. De odie die abeatis et possideatis et faciatis quod vestra fuerit voluntas. Et si vobis de propinquis vel extraneis hanc venditionem in contentione miserit, tunc pariet vel pariemus vobis abbati domno Petro et fratribus vestris vel voci vestre illam casam in duplo vel triplo, et desuper solidos CCos, et hoc actum semper sit firmum.

—