Carta de villa de Bauenzo in Bastauales.

In Dei nomine. Ego Johannes Affonsi, monachus Sancti Iusti, et omnis uox mea vobis domno Johanni, monasterii Sancti Iusti de Tribulis Altis abbati, et omnibus fratribus tam presentibus quam futuris ibique Deo seruientibus omnique uoci uestre, pro Dei amore et beate uirginis Marie et sanctorum Iusti et Pastoris et pro remedio anime mee et parentum meorum, grato animo et spontanea uoluntate facio textum et cartam donationis imperpetuum ualituram de tota mea hereditate quantam ego habeo et habere debeo de auolencia et de ganancia in territorio Amaia sub aula Sancti Juliani de Bastauales, loco certo in villa Bauenzo. Dono itaque et concedo uobis et iamdicto monasterio in predicto loco porcionem meam et porciones fratrum meorum Froyle scilicet Affonsi et Fernandi Affonsi et Petri Affonsi quas ego de eis pro aliam meam hereditatem et per precium ganaui cum casis et casalibus, cum arboribus et plantacionibus, cum montibus et fontibus, cum exitibus et regressibus, cum quanto aprestitum hominis est. Habeatis igitur uos iamdictam porcionem meam et porciones predictorum fratrum meorum et possideatis iure hereditario uos et omnis posteritas uestra in secula seculorum. Siquis autem ex parte mea uel de extranea contra hoc uoluntarium meum factum ad infringendum uenerit sit maledictus usque in VII^am generationem et pariat ipsam hereditatem duplatam uel triplatam et insuper solidos mille; karta semper in suo robore permanente.

Facta kartula testamenti XII kalendas octobris sub era I^a CC^a L^a V^a.

Ego Johannes Affonsi in hoc scripto quod fieri iussi manus meas.

Q. p. f.: Martinus Conde, presbiter, conf. Sanius, presbiter, conf. Nuno

Petri, subdiaconus, conf. Johannes Petri, miles, conf. Petrus Cresconii, ts. Gundisaluus Pelaiz, ts. Petrus Gudestei, ts. Munio Froyle, ts.

Dominicus, cantor, notuit et conf.