Carta de agro de Bauzas de Bastauales.

Quoniam generacio aduenit et generacio preterit, et cetera. Qua propter ego Sisnandus Ordoniz et uxor mea Marina Pelaiz et omni uox nostra tibi Sanino Petri, presbitero, et uoce monasterii Sancti Iusti omnique uoci tue facimus textum scripture firmitatis et carta uendicionis de VIII^a integra de agro uocitato Bouzas quomodo iacet conclusus et diuisus uidelicet desursum per terminos de Pumare Mediano et deorsum per illum ribulum qui discurrit de Uelosal et de testa per uallo de Bastauales et de alia testa per uallo de subtus ecclesia; de toto ipso agro quomodo est concluso et circum uallato damus et uendimus uobis predictam VIII^am integram quam ganauimus de Martino Petri dicto Martello et de uxore sua Maria Froylle nostro proprio precio, et ipsi illam ex parte auunculi sui archidiacono domni Arie Muniz quod eam gananuit de Ramiro Segeridit cum alia sua hereditate in ipsa villa Pignario per kartam pro suo precio. Ab hinc prefatam VIII^am tocius agri habeatis, possideatis, uendatis, donetis uelleque tuum de ea imperpetuum facias pro precio quod nobis et tibi satis complacuit uidelicet solidos XX et robore ad libitum, et de precio nec de robore aput te nichil remansit in debito ad soluendum. Quod si aliquis de nostra parte uel de extranea ad irrumpendum uenerit uel uenerimus quisquis fuerit sit maledictus usque in septimam generationem et quantum calumpniauerit in duplo uel triplo pariat et insuper solidos XL fortis monete; et hec carta semper sit firma.

Facta carta uendicionis XII^o kalendas maii sub era M^a CC^a VII^a.

Nos iamdicti in hac carta uenditionis manus nostras.

Q. p. f.: Petrus, ts. Johannes, ts. Martinus, ts. Pelagius Didaci, conf. Didacus Martini, conf. Pelagius Petri, conf. Petrus Pelaiz, conf.

Suerius Pelaiz, clericus, notuit.