In Dei nomine. Ego Pelagius vobis domne Ilduere et filii vestri. Non est dubium sed multis manet notissimum eo quod peccato impediente battivimus vestro iuniore nomine Froila cum alios meos gasalianes nominibus Miros, Fagildo et Alifreda et pervenit ipse Froila de ipsa babtedura ad morte et pro ipso homicidio abui vobis ad dare in iudicato quinque boves et pro ipsos quinque boves incommunio vobis per medio mea ratione in villares et bustos que habeo communes cum meos heredes in monte Leporario qui iacent inter rivuos En et Gorgula, id est villare qui dicunt Avessos, alio villare que vocitant Cova de Vero, tercio villare que nuncupant Portellina, quarto villare que dicunt Messeganos de arbor furata, et quinto villare que vocitant busto Leoverici, sexto villare que dicunt Gresulfi, septimo villare que iacet in ripa de Gorgula, octavo villare que dicunt Campos, nono vilare que vocitant busto de Teoderedo, decimo villare que dicunt Piorneto, villare undecimo que dicunt busto de Copos, devodecimo villare que dicunt Currello clauso. Dabo vobis de homnes istos villares iamdictos de mea portione medietate que habui de susceptione de meos parentes Gulfario et Ermegoto et de meos avos nominibus Rekamondo et Miron sive de meo ganato et comparato quantum mea voce de mea portione potueritis invenire in ipsos bustos id est ipsos villares cum parietibus, terras cultas vel incultas, arbores fructuosas vel infructuosas, montibus, fontes, pratis, pascuis, paludibus, aquis aquarum cum suis aductibus, accessos vel regressos de ipsos villares per suos terminos antiquos, ut de hodie die et tempore ipsa mea ratione media in ipsos villares iamdictos de meo iure sit abrasa et in vestro iure et dominio maneat // translata et concessa, habeatis eam in perpetuum ipsa medietate vos et omnis posteritas vestra et quicquid de ea exinde facere vel iudicare volueritis liberam in Dei nomine habeatis potestatem. Si quis sane aliquis in voce mea an ego an quislibet persona contra hanc mea venero vel venerit scriptura que in iudicioego post parte vestra vindicare non valeam, tunc inferat pars mea partique vestre ipsa mea portione in ipsos villares duplata et vobis perpetim habiturum.

Facta kartula vendicionis IIIº kalendas Ianuarias. Era DCCCCLXXVIII.

Pelagius filius Gulfari in hanc scriptura vendicionis quem fieri volui, manu mea roboravi (signum).

Honoratus diaconus ts. Quellas confessus ts. Lazarus presbiter ts. Tanoi presbiter ts. Mirus presbiter ts. Plazentius presbiter ts. Quellus presbiter ts. Adegaster presbiter ts. Item Honoratus diaconus ts. Ikila de Ameroz ts. Plazido aurifice ts. Sedes clericus ts. Piniolo ts. Egica clericus ts.

Vermudus Pelagii qui hoc scripsit cfr.

FINIT liber Secundus.