Placitum de Petro Ordonii, canonico compostellano, de hereditate de Biade.

Era I^a CC^a X^a et quotum idus decenbris. Ego Johannes Ordonez, Dei gratia ecclesie Beati Jacobi canonicus, vobis abbati domno Petro monasterii Sancti Justi cum omni conuentu monachorum eiusdem monasterii omnique uoci uestre facio pactum et placitum firmum in marchas IIII^or argenti roboratum super totam meam porcionem quam habeo in villa que dicitur Beade, et est ipsa mea porcio III^a pars tocius ipsius uille preter VIII^a que est Sancti Jacobi, quam meam porcionem integram quam habeo de mea ganancia vobis pono in pignore pro duabus marchis argenti canonice quas mihi super illam accomodatis eo pacto quod uos teneatis illam et habeatis omne lucrum quod de illa exierit, et quando uobis dedero duas marchas argenti canonice deliberetis mihi ipsam meam terciam predicte ville de sancto Martino in sanctum Martinum, fructum collecto; sed si forte ante quam illam abstraham de pignore mortuus fuero, uos habeatis ipsam meam terciam supradictam liberam et quietam imperpetuum iure hereditario, et annuatim post die sancti Johannis babtiste faciatis anniuersarium pro anima mea sicut pro uno de uestris fratribus. Quod nisi compleuero pariam uobis penam placiti superius dictam. Ego iamdictus in hoc placito manus meas.

Q. p. f.: Petrus, ts. Johannes, ts. Pelagius, ts. Didacus Ordonii, miles, conf. Fernandus Sancii, conf. Munio, presbiter.

Ego Johannes Ordonii, canonicus, conf.

Petrus Fernandi scripsit.