Placitum Alfonsi Pelaiz de hereditate de Villa Uiride.

Sub era I^a CC^a X^La V^a et quotum VI^o idus januarii. Ego Alfonsus Pelaiiz et omnis uox mea vobis domno Petro, monasterii Sancti Justi abbati, et omni conuentui monacorum eiusdem loci facio pactum et placitum firmissimum in solidis C LXX II roboratum tali pacto quod teneatis de me totam meam portionem integram de Villa Uiride in pignore pro solidis LX VI quos mihi super eam accomodastis, et habeatis fructum ex ea, et currat ipsam hereditatem de sancto in sanctum Martinum; et nunquam debeo extrahere illam de manu uestra ut alio homini dem nisi ego laborauera; et si ego interim mortus fuero ante quam ipsam hereditatem sic extraham habeat monasterium ipsam hereditatem in pace. Et uos contineatis me et ad obitum meum recipiatis corpus meum ad sepulturam in monasterio uestro.

Ego Affonsus Pelayz et omnis uox mea in hoc placito quod fieri iussi propriis manibus roboro. Quod nisi compleuero et placito exiero pariam uobis uel uoci uestre quod superius resonat.

Q. p. f.: Pelagius Pelaiz, ts. Martinus Martini, testes. Fernandus Pichito, ts. Prior Johannes Tudini, conf. Dominicus, frater, conf.

Ordonius, clericus, qui notuit et conf.