pan style="font-weight: bold;">Testamentum Pelagii Moogi de Leeronio, de ecclesia Sancti Martini de Fonte Cada et de hereditate de Auteyro.pan>

Era Ia CC^a XL^a VII^a et quotum VIII^o kalendas januarii. Ego Pelagius Monachus de Leeronio, archipresbiter de Valeyrom, detentus graui infirmitate plenus cum meo sensu facio ordinationem mearum rerum ut si inde migratus fuero omnia mea ordinata remaneant. In primis mando corpus meum sepeliri in cimiterio Sancti Justi, et mando ibi mecum porcionem meam tam ecclesiasticam quam laicalem et portionem de tio meo Ordonio Monacho quam ego ganaui de filio suo Ordonio Ordoniz de ecclesia Sancti Martini de Fonte Caada, et totam meam hereditatem de Octario et de Tapia. Mando etiam ibi mecum hereditatem que fuit de Eldara Sarraceni quam ganaui de ea thius meus Ordonius Monachus et ego ganaui eam de ipso thio meo Ordonio Monacho, super quam hereditatem ego postea habui intenciam cum neptis Johannis Grossi et uendicaui eam mihi per directum et per iudicium Pelagii Sarraceni et Trilladu de Lucrosa et Fernandi Cresconii et aliorum multorum bonorum hominum, et ex tunc usque hodie habui eam in pace et possedi, et modo mando eam mecum predicto monasterio pro anima mea. Mando etiam ipsi monasterio mecum totam hereditatem meam de Figaroa de auolentia et de ganancia meam portionem et portionem de thio meo Ordonio Monacho cum casalibus et cum plantato per rio de Portezelo integram et ex Portezelo cum suo plantato et cum hereditate de Loania de uoce de Figeyroa, medietatem ad monasterium Sancti Iusti et medietatem ad filias meas; et de Cerzedelo similiter. Et etiam mando ipsi monasterio mecum VI quartarios de pane et unam archam et unam equam et unam vaccam et V rixellos; ad priorem Johanni Tudini meam capam, et cetera.

Siquis autem hanc meam ordinationem irrumpere temptauerit uel in aliquo eam deuiauerit sit maledictus et excomunicatus et cum Iuda traditore in inferno dampnatus et insuper pariat solidos D; mandatione semper in suo robore permanente.

Q. p. f.: Petrus, abbas Sancti Iusti, conf. Prior Johannes Todini, conf. Fernandus Cresconii, presbiter. Johannes Anaia, presbiter, conf. Didacus Didaci, presbiter, conf. Didacus Gosendiz, presbiter, conf. Petrus Francus, presbiter, conf. Petrus Fernandiz, diaconus, conf.

Pelagius, presbiter, qui de mandato magistri sui Fernandi Cresconii notuit, conf.