[In nomine sancte]³ Trinitatis, Patris et Filii et [Spiritus Sancti, amen. Cassa equi]em et debilis est potestas que per [diuinam non est gratiam r]oborata quam re uera feliciter adipis[ci credimus si sacro sancta loc]a personasque religiosas dignis ho[noribus largis bene]ficiis gratisque muneribus amplificet [decore] enim domus sue dilexit Deus et in eius [cultoribus] gloriari noscitur, liqueat igitur ómnibus quod ego [Ade]fonsus, Dei gratia Hyspaniarum imperator, una cum [coniuge] mea imperatrice domna Berengaria facio tibi abbati domino Petro monasterii Sancti Iusti de Togis Altis [o]mnique con[uent]ui monachorum tam presentium quam futurorum in eodem loco [soli Deo] seruientium cautum de eodem monasterio imperpe tuum ualiturum per suos ter[minos], uidelicet per [caput] Montis Alti et inde per lacunam de L[uan]ia et per illas mamulas de Caballo Sicco // [et per alias mamul]as de Elsende et peruenius Auellanedi, [et de alia parte per illum parietem antiquum qui] uadit contra agrum de Dea qui diuidit cum [terminos huius monasterii et terminos Sancti] Pelagii de Lauar et per Togos Altos et per aliud ne[mus] de La[amir,  et inde per terminos] Sancti Martini sicut uadunt usque ad castellum de Luania [et]  inde [ad Villare de Anta] et inde ad capud Montis Alti. Cauto prefatum monasterium per suos terminos [et omne]s hereditates quas nunc habet uel acquirere potuerit in futurum ubicumque fuerint [similiter] cauto ut nullus eas decetero inquietet uel eis malum irroget. Ceterum monasteri[um] ipsum meo auxilio et consilio fundatum et res uniuersas quibus subsistat abbatem, uidelicet Petrum, aliosque illustres uiros et in curia mea emeritos quos constructioni predicti loci sub regula sancti Benedicti denuo pugnare uolentes adiuuo et ad peticionem eorum in cunctis faueo ceterosque successores suos sub tuitione et defensione nostra recipio.  Set et hoc monasterium suosque incolas consulente et consenciente domno Didaco,  compostellane sedis archiepiscopo, una cum consensu omnium canonicorum eiusdem sedis in cuius territorio iamdictum cenobium construitur tali libertate dono vt nullius deinceps potestati tam seculari quam ecclesiatice subiaceant Nelli loco, nulli monasterio, nulliquod persone alterius monasterii unquam obediant nisi sancte Romane sedi. Et ut liberius diuinis familiaribus ibi degentes insistant ab omni iurisdictione episcoporum imperpetuum absoluimus ut ad nulla que sua sunt cogantur preter episcopalia, id est sacros ordines olei consecrationem et abatís beneditionem ad concilium uero et ad sinodum episcoporum nisi pro sola fide eis uenire liceat. Constituto eciam et confirmo ut commorantes homines in hereditatibus et prediis huius cenobii nemini unquam respondeant de fossadaria aut fazendaria,  neque de furto, neque de homicidio, neque de rausso, neque de aliqua calumpnia uel foro regio nisi abbati uel illis qui eiusdem monasterii procurationem tenuerint. De omnium etiam portatico per totum meum regnum excuso ad idem monasterium, res suas uenturas uel ab ipsis fratribus in partes alias latas et ad quamcumque partem uoluerint securi et in pace transeant et pertranseant per totum meum imperium quicumque ad istud monasterium pertinuerint. Siquis uero de gente mea uel extranea hanc cautationis et donationis et liberationis scripturam infringere temptauerit sit maledictus et cum Iuda proditore in inferno dampnatus;  et quod inuaserit duplet partique imperatoris pro ausu temeritatis centum libras auri reddat. Istud uero scriptum semper maneat in robore firmitatis.

Facta carta ista in Palencia Sancti Antonini, nonas decembris sub era Mª Cª LXXIII.

Adefonso imperatore imperante in Toleto, Cesaraugusta, Na[iar]a, Castella, Legione et Gallecia.

Ego Adefonsus, Dei gratia Hispaniarum imperator, hoc scriptum quod fieri iussi proprio robore conf. (Signum). Berengaria, Hispanias imperatrix. Infanta domna Sancia.  Comes Adefonsus Iordani, conf. Comes Rois Martiniz, conf. Comes Lop Diat, conf. Comes Monio Pelaiz, conf. Comes Fernandus de Traua, conf. Comes Rodericus de Sarria, conf. Comes Rudericus de Limia, conf. Veremudus Petriz,  conf. Gutier Fernandiz, maiordomus, conf. Manricus, signifer imperatoris, conf.  Fernandus Iohannis, conf.

Didacus, Dei gratia compostellane sedis archiepiscopus hoc scriptum robore suo confirmat; anno suo pontificatus XXXº Vº. Petrus Elie, ecclesie Beati Iacobi decanus et archidiaconus, conf. Petrus Cresconides, ecclesie indignus archidiaconus, conf. Arias Muniz, ecclesie indignus archidiaconus, conf. Fredenandus Petri, ecclesie Beati Jacobi canonicus, conf. Martinus, eidem ecclesie cantor, conf.  Martinus, regis clericus et ecclesie Beati Jacobi canonicus, conf. Pelagius Abbas,  ecclesie Beati Jacobi canonicus et archiepiscopi notarius, conf. Munio, vallibriensis episcopis, conf. / [Bernardus, segontinus] episcopus et capellanus imperatoris,  conf. Petrus, pa[lentinus episcopus, conf. Petrus, Legionensis ele]ctus, conf. Cresconius Pelaz, judex, conf. Petrus [Gunde et premicelis, conf. Vim]ara Ruderici, Dei presbiter, conf. Petrus Aluitiz, diaconus, [conf. Rudericus, Ante]altarium abbas ropria manu conf. Florentius, abbas Sancte Mari[ne, conf.

Girardus] scripsit hanc cartam jussu magistri Hugonis, cancellarii impetaro[ris].

³ Queda, polo tanto, na esquina inferior dereita da volta, na que se ve un cacho de miniatura no cal se pode intuír un pé. Polo contrario, consérvase máis texto, o que completamos a través das confirmacións∑ feitas por Fernando III (n.º 33) e Afonso IX (n.º 40).