In Dei nomine, ego Adefonsus, Dei gratia Hispaniarum imperator, vna cum coniuge mea imperatrice domna Berengaria facio cartam donationis et confirmationis pro remedio anime mee et parentum meorum vobis domno Petro, abbati monasterii Sancti Justi de Auellaneto, et omnibus monachis tam presentibus ibídem Deo seruientibus quam futuris de duabus ecclesiis, scilicet de Sancto Saluatore et de Sancto Martino cum omnibus illis hereditatibus et adiunctionibus que ad illas ecclesias pertinent uel pertinere debent; sunt autem he ecclesie in territorio de Dugio sub monte Rou. Has predictas ecclesias dono et concedo vobis ipsique monasterio cum omnibus suis directuris que ad ipsas pertinent in toto valle de Dugio que sunt de fisco regio per suos terminos antiquos. In primis, ecclesia Sancti Saluatoris determinatur per aquam que uenit de fonte Fenulerias que uocatur aqua de Senra, de alia parte diuiditur de villa Vigo per aquam rio que uenit de monte, et de alia parte diuiditur de villa Frogiam per suum vallum; et exit ista uilla contra montem inter prefatos terminos per suos agros de Lacuna et super via publica per suos agros de Rouoredo, et inde ad montem usque ad terminos de Boisan.  Termini ecclesie Sancti Martini sunt isti: de vna parte per illam aquam de illo riuulo de Trunco sicut uadit et intrat in mare de arena de Locustaria et finitur intus in mare; de inde de alia parte iterum incipit alius terminus in predicto riuulo de Tronco et uadit per illum parietem antiquum qui exit de ipso riuulo et uadit sursum ad montem diuidendo hereditatem de Sancto Martino et hereditatem de Hermo; [et]⁴ inde sursum per medium de ipso monte in directo ad alium parietem antiquum qui concludit de contra Hermo agrum rotundum de Redondelo qui est [de] villa de Burgo integer, et iterum per super illum fontem de Redondelo et [inde] sursum ad aliam petram designatam de Cruce et inde in antea per illas petras quasi erectas et inde in directum ad illam petram longam de super terra crepata, et inde finitur in mare maius. De inde sunt alii termini de alia parte de contra insula de Dugio per illam aquam que discurrit de Portelo ad mare de Locustaria, et de alia parte in directum ad illam aquam de Currelo sicut discurrit ad mare maius. Extra hos terminos habet ecclesia Sancti Martini [a]lias hereditates de uoce regia sub aula Sancte Marie in villa de Arenis et sub aula Sancti Vincentii quas omnes predicto concedo monasterio.  Constitu[o] etiam [et in]mobiliter mando ut in predictas ecclesias et in earum hereditates quas ego prefato cenobio firmiter imperpetuum cauto, nullus intrare presumat pro furto, pro homicidio, pro rausso, pro fossadeyra uel pro aliqua calumpnia nisi solus abbas uel illi qui monasterii procurationem tenuerint. Homines uero uel quicumque predictas ecclesias uel hereditates in // [habitauerint ab omnia] calumpnia et ab omni uoce de terra [sint liberi et absoluti, et homine]s de regalengo qui im predictis locis commorati fuerint [habeat monasterium et posid]eat et illos et semen illorum imperpetuum. Siquis au[tem] hoc meum donum infregerit sit maledictus et cum Iuda proditore [in inferno dampnatus] insuper duplet monasterio hereditatem voci uero imperatoris [bis mille pectet] morabitinos.

Facta carta in Palencia, nonas decenbris, era Mª Cª [L]XXIII. [Ade]fonso imperante in Toleto, in Legione, in Saragoza, in Naiara, Castella et Gallecia.

Ego Adefonsus imperator hanc cartam iussi fieri et factam propria manu roboraui postquam coronatus fui, conf. (Monogramma: SIGNUM IMPERATORIS)

Comes Fernandus, conf. Comes Roic Uelez, conf. Veremudus Pedrez,  conf. Comes Adefonsus Iordan, conf. Comes Roic Martini, conf. Comes Lop Diaz,  conf. Guter Ferrandez, maiordomus, conf. Almarricus, alferez, conf. Fernandus Iohannis, conf. Petrus Iohannis, conf.

Petrus, legionensis electus, conf. Petrus, palentinus episcopus, conf. Bernardus,  segontinus episcopus, conf., et capellanus imperatoris.

Didacus, Dei gratia compostellane sedis archiepiscopus, hoc scriptum robore suo conf.; anno suo pontificatus XXXº Vº. Petrus Elie, ecclesie Beati Jacobi decanus et archidiaconus, conf. Petrus Cresconides, indignus archidiaconus, conf.  Arias Muniz, ecclesie indignus archidiaconus, conf. Fredenandus Petriz, ecclesie Beati Jacobi canonicus, conf. Muinio (sic), uallibriensis episcopus, conf. Rodericus,  Antealtarium abbas, propria manu conf. Florentius, abbas Sancte Marine, conf. Petrus, ts. Martinus, ts. Johannes, ts.

Giraldus scripsit hanc kartam iussu magistri Hugonis, cancellarii imperatoris.

⁴ As lagoas foron salvadas en función das copias das confirmacións feitas por Fernando III (doc. n.º 35) e Afonso IX (doc. n.º 46).