B 7
1371(?), decembro, 30. Aviñón.
Bula do papa Gregorio XI (1370-1378), no segundo ano do seu pontificado, na que, trala exposición das necesidades polas que atravesaba a Igrexa de Roma, lle pide ó bispo de Mondoñedo don Francisco un subsidio especial para facer fronte á penuria en que se encontraba.
A, perg., que conserva restos do cordón de que pendía o selo, de 455 x 590 mm. Letra semigótica.
Gregorius episcopus seruus seruorum Dei venerabili fratri espiscopo mindoniensi salutem et apostolicam benedictionem. Decet sanctam romanam Ecclesiam ad illos in suis / neccessitatibus recurrere quos erga se amplius deuotos fore et exinde ipsorum in hiis suffragia non deesse presumit. Sane sicut ad tuam noticiam / peruenisse potuit tot et tam grauia ut Nos et dictam Ecclesiam ac nostra et ipsius Ecclesie bona et nostra in Italie partibus ab inuadencium manibus defendamus / eorumque resistamus iniuriis et iacturis Nos et cameram apostolicam subire oportuit et continuo oportet onera expensarum quod ad ea prouentus camere predicte qui / propter premissa et etiam propter guerrarum turbines et mortalitatum pestes quas christianus populus perpessus est quamplurimum diminuti esse noscun/tur sufficere non possunt nisi in hoc exuberent subsidia deuotorum. Attendentes igitur sincere deuocionis affectum quem ad Nos et eandem romanam Ecclesiam habere di/nosceris et propterea sperantes indubie te promptum liberalem in nostrum et dicte Ecclesie subsidium reperire fraternitatem tuam Nobis caram confidenter exposi/mus et attente requirimus ac affectuose precamur quatinus intendens ad eam de qua scisus es petram et huiusmodi neccessitatum sacrosancte romane / Ecclesie matris tue ineuitabilia onera in statera filialis consideracionis appendens dilecto filio Jacobo de Suano canonico narbonensi Decretorum doctori apostolice / Sedis nuncio latori presencium quem ad te et partes circunuicinas spe freti huiusmodi destinamus super hiis que tibi ex parte nostra retulerit indubiam / prebens fidem illa operum fructibus implecturus ac Nobis per tuas litteras recepturus quantum Nobis ymmo potius matri tue in personam nuncii me/morati subsidialiter duxeris conferendum. Datum Auinioni iii kalendas junuarii pontificatus nostri anno secundo.
Jo. Regis.
(Reverso):
M. vi. n. 9. Venerabili fratri espiscopo mindoniensi. Bulla del papa Gregorio de vn subsidio de antiguedade.
