Placitum Eluire Didaci, filia Didaci Braui, de hereditate de Carrazido
et de Ardileyro et in Ascauia et Biluzoo et in Silua Redonda.

In nomine Domini. Sub era M^a CC^a LX^a III^a et quotum IIII^o nonas julii. Notum sit omnibus quod ego Eluira Diaz, filia Didaci Braui, pro me et pro omni uoce mea vobis domno Johanni, abbati monasterii Sancti Justi de Tribulis Altis, omnique uoci uestre facio pactum et placitum firmum in solidis D roboratum ita quod ego do et concedo et mando pro anima mea et parentum meorum quantam hereditatem habeo in Carrazido et in Ardileyro in filigresia Sancte Christine de Noya et in Ascauia et in Biluzoo et in Silua Redonda tam de auolencia quam de ganancia preter meas suppignorationes quas habeo in filigresia Sancte Christine de Noya tali modo quod teneam istam hereditatem de manu et dato uestro in uita mea, ad mortem autem meam ad predictum monasterium Sancti Justi integre deuoluatur; et uos domne abbas pro uobis et pro conuentu ipsius monasterii datis mihi proinde in presenti duas vaccas, vnum bouem et solidos LX, et annuatim solidos X pro uestitura hominis mei et unum modium de pane in uita mea et IIII^or cubitos de panno quandocumque habuerint monachi suam talladuram, et de pitanciis et sangrileyxiis debeo habere sicut unus de monachis ipsius monasterii supradicti.

Siquis contra hoc uenerit pectet alteri parti penam supradictam; pacto et conueniencia in suo robore // permanentibus.

Q. p. f.: Petrus Stephani. Martinus Saluatoris, pelliparius. Sebastianus Muniz. Johannes Fernandi Bazaco. Petrus de Sancto Tirsso.

Ego Martinus Iohannis, notarius concilii compostellani juratus, scripsi.