Era I^a CC^a XXX^a VI^a et quotum II^e kalendas maii. Hec est ordinacio quam ordino ego Sanio Martini, diaconus. In primis mando ad dominum meum domnum decanus, et cetera. Mando ad Sanctum Justum corpus meum, et ibi mecum illam hereditatem que est de illo suo casale de Lausame quam tenui in pignore pro solidis XI, et illam suam laream de Cornido quam tenui de uoce sua, et illam uineam quam feci in Lausame in sua hereditate et mea, et meam medietatem de illo quinione de Ordrozia Didaci de Lausame quam ego et Johannes Leiton tenemus in pignore per medium pro solidis VII^e, et medium de illo boue, et cetera, et meum quinionem de Beruffe de auolencia et de ganancia; et mando adhuc ad Sanctum Justum meum quinionem de Comparadi et de Villa Coua et de Villare de auolencia et de ganancia, et cetera. Et mando ad filium meum Johanne ad hunc meam hereditatem de Lausame de auolencia et de ganancia nec donet eam nec suppignoret nec uendat eam nisi ad monasterium Sancti Justi, et si obierit sine semine habeat monasterium Sancti Iusti medietatem, et cetera. Mando ut domnus abbas Sancti Iusti, in cuius presencia hec ordino, et magistrum meum Johannem, presbiterum, recipiant totam meam hereditatem et de ganato et de pane et de habere et compleant hanc meam mandacionem, et si aliqui super hec inuenerint accipiant et dent pro anima mea. Sed si aliquis homo de mea parte uel de extranea istam meam mandacionem aliquando in aliqua causa rumpere uoluerit sit maledictus et a Deo excomunicatus et cum Juda traditore dapnatus in inferno et insuper pariat solidos CC; ista tamen mea mandacione in suo robore permanente.

Q. p. f.: Pelagius, ts. Petrus, ts. Johannes, ts. Petrus, monasterii Sancti Iusti dictus Abbas, conf. Johannes, presbiter, magister eius, conf. Pelagius Fernandi,  presbiter, conf. Johannes Afonso, frater, conf. Petrus Furtadus, conf.
Munio, presbiter, qui notuit.