188A
1465, setembro, 27. Canedo.
Título de presentación e colación do curato de Santa Cristina de Celeiro de Mariñaos, feito polos administradores de San Miguel a favor do cóengo Fernando Valea.
A, perg., con signo notarial, de 205 x 315 mm. Letra cortesá.
Nouerint vniuersi presenciarum litterarum thenorem inspecturi quod nos Rodericus Gundisalui et Gundisaluus Iohannis canonici in ecclesia mindoniensi necnon ad/ministratores administracionis sancti Michaelis per discretis viris dommnis decano et capitulo predicte ecclesie mindoniensis cum plenaria potestate ab eisdem habentes beneficia / presentandi colandi proueendi instituendi vacancia in dicta administracione cum itaque ad presens quinque octaue partes cum cura tocius parochialis ecclesie sancte Christine / de Celario site in dicta administacione vacent ac vacare noscantur tam per mortem seu obitum quondam Johannis Alfonsi vltimi clerici rectoris et possesoris earumdem quam aliis / quibuscunque modis quarum quidem presentacio collacio prouissio seu queuis alia disposicio ad prefactam ecclesiam et capitulum et nos eius nomine tan de jure quam alia aprobata et antiqua / consuetudine pertinere dignoscimus idcirco tibi Fernando Valea clerico prefate mindoniensis diocesis filio Alfonsi Roderici et eius uxoris Maioris Fernandi prefatas quintas octauas partes / cum cura parochialis eccleseie sancte Christine de Celario sicvt premititur vacantes cum omnibus juribus et pertinenciis suis conferimus et tecum presentamus de eisdem / prouidemus ac te per imposicionem nostri birreti ut est moris in eisdem te inuestimus et instituimus mandantesque omnibus et singulis parrochianis colonis decima/toribus tributariis predicteque ecclesie subiectis in birtute sante obedienie et sub excommunicacionis pena quatenus te in suum in suum (sic) recipiant rectorem recipientes a te uel ab alio / tuo nomine ecclesiastica sacramenta et tibi uel procuratori tuo plene et integre respondeant aliisque respondere faciant cum omnibus et singulis fructibus reditibus deci/mis premiciis foris directuris juribus et pertinenciis prefatis quinque octauis partibus supradictis cum cura pertinentibus et pertinere debent prout hactenus responderunt / supradicto Iohanni Alfonsi atque predecessoribus \suis/. In cuius rei testimonium presentes litteras nostro nomine roboratas sigilorum apensione munitas et per notarium infrascriptum / confirmatas tibi duximus concedendas. Date et acte in loco de Canedo sic vuulgariter nuncupato predicte mindonieniensis diocesis die jouis vicessima septima die men/sis septenbris anno Domini millesimo quadringentesimo sexagessimo quinto presentibus ibiden discretis biris Johanne Fernandi de Cauarcos scutifero Iohanne Gundisalui / Rauco Petro de Meyrengos et Luppo de Casallayte familiaribus dicti Johannis Fernandi testibus ad premissa bocatis specialiterque rogatis. Rodericus Gundisalui canonicus mindoniensis adque miistrator (Rúbrica). Gundisaluus Iohannis canonicus administratorque (Rúbrica).
Et ego Petrus Arie de Vaamonde canonicus mindoniensis publicus autoritate ordinaria notarius qui prefatis presentacioni collacioni omnibusque aliis et singulis supradictis / dum sic ut premittitur coram me agerentur vna cum prenotatis testibus interfui eaque et singula sic fieri vidi et audiui ideoque presens publicum instrumentum / per alium scribere feci et huic signum meum apposui testimonio veritatis rogatus et requisitus. (Signo, na súa parte inferior lese: Petrus Arie canonicus et notarius (Rúbrica).
(No reverso lese: Visum per nos Fredericum Episcopum mindoniensem. Presentado ante el obispo mi sennor por Fernando Valea canonigo a xxviii de novienbre anno de lxxxi.).
