85
1322, xaneiro, 6. Vilanova de Lourenzá.
O vigairo xeral do bispado de Mondoñedo don García Pérez confírelle a terceira parte da igrexa de San Xurxo de Lourenzá a Santiago Pérez, crego e alumno do bispo.
A, perg., con orificios do selo pendente, de 168 x 202 mm. Letra semigótica.
Nouerint uniuersi presentem litteram inspecturi quod ego Garsias Petri canonicus mindoniensis et eiusdem episcopatus vicarius generalis / terciam partem ecclesie sancti Georgii de Laurençana vacantem ad presens per renunciacionem Petri Galuam quondam clerici / eiusdem pure et simpliciter in manibus Johannis Iohannis canonici et vicarii generalis mindoniensis factam cuius tercie partis domnus / mindoniensis episcopus nomine mindoniensis ecclesie verus est patronus in quarta totius dicte ecclesie et none partis domnus Fernandus de / Deo cantor lucensis et mindoniensis canonicus administrator mensium de Bretona nomine capituli mindoniensis est patronus que quarta / totius ecclesie et nona faciunt dictam terciam has partes dicte ecclesie in dicta quarta presentans ut patronus nomine mindoniensis episcopi / et in dicta nona ad presentacionem dicti Fernandi de Deo presentantis nomine capituli mindoniensis huius potestatem a dicto cantore ad / conferendum dictam terciam adque aliter(?) collatio et institutio in dicta ecclesia noscitur pertinere Jacobo Petri clerico et alumpno / domni mindoniensis episcopi confero in beneficium sine cura canonica possidendum et ipsum instituo clericum in eadem non obstante / quod dictus Jacobus aliter sit beneficiatus in tercia parte ecclesie sancte Eulalie de Deuesa similiter sine cura super quo ut / utrumque insimul retinere ualeat duxi ex certa scienctia dispensandum. In cuius rei testimonium presentem litteram feci / sigilli mei munimine conmuniri. Datum apud Villamnouam de Laurençana sexta die mensis januarii Era mª. ccc. lxª. Johannis Alfonsi (Rúbrica).
(Reverso):
Unión de san Jurjo y Santaalla de Deuesa.
