Concambium hereditatum de Villa Uiride et Fonsin inter monasterium et Petrum Petri Gatinum.

In nomine Domini, amen. Era M^a CC^a LXXX^a VIIII^a et quotum XII kalendas nouenbris. Nouerint vniuersi presentem cartam inspecturi quod hec est permutacio seu concambiacio seu etiam donacio ex mandato et auctoritate domni Johanni, compostellani archiepiscopi, inferiori modo facta et in C morabitinis roborata et imperpetuum duratura inter nos domnum Petrum Martini, abbatem monasterii Sancti Justi de Togis Altis, nomine et uoce mei et conuentus eiusdem monasterii ex una parte et Petrum Petri dictum Gatinum, militem, pro me et pro uxore mea Marina Iohannis et pro fratre meo Roderico Gatino, absentibus, et pro omni uoce mea et sua ex altera. Ita quod ego Petrus Petri pro me et pro dictis uxore mea et fratre meis grato animo et bona uoluntate do, dono et firmiter inter uiuos concedo vobis domno Petro Martini abbati et conuentui mo- // -nasterii memorati et uoci uestre quantam hereditatem ego habeo et habere debeo et quantam dicti uxor et frater mei habent et habere debent tam de auolencia quam de ganancia in Villa Uiride et in tota filigresia Sancte Marie de Roo cum omnibus suis directuris ad eam pertinentibus per suos terminos et diuisiones antiquas ubicumque fuerint imperpetuum habendam et possidendam; et si forte partem predicti fratris mei Roderici Gatini uobis amparare uel francare non potuero quantam partem ipse frater meus a uobis inde vincerit aliam tantam debo ego uobis dare pro ea in eadem auolencia de qua eam a uobis uicerit per me et per omnia bona mea. Et ego domnus Petrus Martini, abbas memorati monasterii, pro me et pro omni conuentu et uoce eiusdem monasterii, presentibus et concedentibus Martinus Sanit, monacho, et Petro Gasco et Johanne Gunsalui, monachis eiusdem monasterii, grato animo et bona uoluntate do, dono et firmiter concedo inter uiuos propter hoc quantam hereditatem predictum monasterium nostrum habet in Affonsim cum omnibus suis directuris ad eam pertinentibus per suos terminos et diuisiones antiquas ubicumque fuerint similiter imperpetuum habendam et possidendam. Et etiam datis mihi solidos CXX legionensis ad costruendas domos in eadem hereditate quos confiteor et recognosco me iam recepisse a uobis renuncians omni excepcioni non numerate et tradite procunie. Et per hoc nos et uos sumus quiti, diffiniti et terminati et abnuciati ab omnibus impeticionibus, questionibus, busquis, actionibus et demandis que hucusque inter nos et uos fuerunt ad inuicem ex quacumque causa; et ego dictus Petrus Gatinus nunquam debeo ganare in Uilla Uiridi aliquo modo et uos similiter nunquam debetis ganare aliquid in Affonsim, excepto quod si aliquid ibi uobis aliquis dederit pro anima sua quod detis mihi pro minore terratico quam aliis, et si forte ego ganauero aliqui in Uilla Uiridi ganem per ad uos. Et promitto et conuenio uobis bona fide quod sim uester filigresius et fidelis amicus in omnibus et uos similiter mihi prout decet uos.

Siquis nostrum contra hoc uenerit pectet alteri parti penam supradictam; placito isto nichilominus in suo robore permanente.

Q. p. f.: Petrus Cresconii, iudex de Noya; Nicholaus Petri, tendarius de Rua de Villa, et frater eius Fernandus Petri, mercator; Johannes Petri dictus de Cornoes de Roo et eius soprinus Petrus Petri Caluus; et alii multi, et cetera.

Ego Jacobus Iohannis, notarius compostellanus juratus, interfui et conf.; et de mandato meo infrascriptus Nuno Nunonis scripsit.

Ego Nuno Nunonis de mandato Jacobi Iohannis, notarius compostellanus iurati, interfui et scripsi.