Noverint universi quod presente reverendo patre domino Petro dei gratia auriense episcopo et assensum prestante, nos Gunsalvus Nuni decanus et capitulum eiusdem, de consensu Johanis Fernandi de Trella clerici chori tenentisque cappellam quam ordinavit Pelagius Maurus quondam canonicus auriensis, facimus concambium perpetuo valiturum cum Petro Roderici thesaurario eiusdem. Primo nos supra dicti decanus et capitulum damus et in perpetuum concedimus dicto thesaurario domos illas que sunt contigue domibus illis prestimonialibus in quibus modo moratur dominus Rodericus Petri archidiaconus de Baronçelle ex una parte et ex altera parte sunt contigue domibus aliis prestimonialibus in quibus modo moratur Johannes Petri de Pinnol canonicus. Et iste domus tendunt usque ad Barrariam cum exitu suo sicut demarcate fuerint per Bartholomeum Petri et per Johanem Roderici canonicos nostros, pro quo exitu debet ipse thesaurarius vel quicumque tenuerit istas domos dare perpetuo annuatim unum modium vini de torculari capitulo et nichil aliud. Et post mortem ipsius thesaurarii debent remanere dicte domus cum cappella quam dictus thesaurarius promisit ordinari cuidam canonico cardinali dicte ecclesie quem ipse elegerit in vita vel in morte. Et propter hoc ipse thesaurarius similiter dat et in perpetuum concedit dicto capitulo auriensi domum suam de cruce Vilaris que est sita inter domos Trinitatis in quibus modo moratur Petrus Moxena ex una parte et viam que tendit de Fontaina ad Pussio ex altera et habet ianuas in vico qui ducit de ipsa cruce Vilaris ad Trinitatem et est de decima deo, excepto quod qui tenuerit ipsam domum debet annuatim dare unum solidum legionense monete ecclesie Trinitatis. Item dictus thesaurarius dat et in perpetuum concedit eidem capitulo vineam suam de Forcadura quam ipse emit a Domenico Morzelo de Vilari de foro de quinta, per quam capitulum debet habere unum morabetinum monete legionensis solvendum annuatim in festo Sancte Crucis mensis maii per dictum Johanem Fernandi vel per successorem qui cappellam dictis vineas et domos pro tempore tenuerit. Et ut hoc in dubium evenire non possit rogamus Bartholomeum Petri canonicum auriensem et cancellarium eiusdem civitatis ut de premissis omnibus faceret fieri duo instrumenta per alfabetum divisa in testimonium premissorum. Actum fuit hoc Aurie, xiº kalendas junii, era mª cccª xlª secunda.

Qui presentes fuerunt:

[1ª columna]

Gundisalvus Nuni decanus

Martinus Petri

Rodericus Petri Testes.

Johanes Gundissalvi

Gundisalvus Nuni archidiaconus

[2ª columna]

Petrus Roderici

Johanes Petri de Pinnol

Laurencius Iohannis Testes

Petrus de Barreyros

Johanes Roderici canonici

Et Martinus Alfonsus maiordomus dicti capituli

Et ego Bartholomeus Petri canonicus et chancellarius suppradictus adhibitus et rogatus premissis interfui et in mea presencia scribi feci signumque meum apposui in testimonium premissorum.

(Signum)