Eu Gonçalvo Peres, notario publico de Lugo por lo sennor obispo dese lugar, vy et ley hun testamento de Maria Moniis, filla que foy de Monin Ferrnandes d’Orsillon, o qual testamento era feyto et signado por Roy Gonçalves, scripvan publico de Sevilla, et non era raso nen interlinado nen en alguna parte sospeyto, enno qual iasia huna clausula que disia asy: “ et mando a Pedro Aras, fijo de Aras Alfonso et de Aldara Vasques, la mi herdat que yo he en Sonar bien et compridamente segunt que me a mi pertenesçe. Et otrosy mando mas a Rodrigo, mi criado, fijo de Pedro Ferrnandes et de Maria Aras, la mi heredat que llaman da la Vina, las quales herdades son en Monterroso lugar, en tal maneyra et con tal condiçon que los dichos Pedro Aras et Rodrigo que se mantengan en las dichas herdades todos los dias de su vida, et depues de los dias de su vida que fiquen las dichas herdades livres et quitas a los freyres de la orden de San Françisco de Lugo por jur de herdar para sienpre jamas con tal maneyra et con tal condiçon que los dichos frayres que me fagan una [renebrunçia] en la dicha orden por mi anima de cada anno para senpre jamas bien et onrradamente segunt que me a mi pertenesçe. Et pagado et comprido este mi testamento et esta mi manda de mis vienes, segunt que se en el contiene, todo el remaniente que fincare de mis vienes, asy movilles commo reyses, mando que los ayan et los hereden todos los frayres de la dicha orden de San Françisco de Lugo a los quales yo stabelesco por mis legitimos herederos en todos mis bienes etc...”.

A qual clausula que era scripta enno dito testamento eu o dito Gonçalvo Peres, notario, aqui tirey del por minna mao a pitiçon do gardian et frayres do dito moesteyro de San Francisco de Lugo.

Feyta viinte dias de abril, era de mill et quatroçentos et XVIII annos.

Testemoyas: frey Fernando Ferrnandes, gardian do dito moesteyro; et frey Gonçalvo de Monterroso, et frey Diego Lopes, doctores; et frey Johan de Vilachaa, et frey Fernando Martines, frayres do dito moesteyro, ts.

Et eu Gonçalvo Peres, notario sobredito, a esto foy presente et a dita clausula do dito testamento tirey segundo en ela jasia por minna mao et aqui puge meu signal.