206
1488, febreiro, 19. Santiago.
Instrumento público do xuíz-comisario e subcolector apostólico do Reino de Galicia da “décima” ou subsidio, imposto nos reinos e señoríos de España, con destino á guerra de Granada, no que se atopan tódalas parroquias do bispado de Mondoñedo, coas súas igrexas, capelas e mosteiros, incluso aqueles que, radicando fóra da diocese mindoniense, percibían froitos nesta.
A, papel, caderno de 9 follas útiles e catro en branco, con selo notarial en seco sobre papel, de 305 x 222 mm. Letra cortesá.
B, papel, caderno, da mesma data, de 10 follas útiles, de 295 x 200 mm. Letra cortesá.
In Dey nomine. Amen. Sepan quantos este presente publico instrumento et libro de deçima viren commo en la / çibdad de Santiago a dies et nueve dias del mes de feurero anno del nasçimiento de nuestro Sennor Jesucristo de mill / et quatoçientos et ochenta et ocho annos ante el reuerendo sennor don Pedro Altamirano prothonotario de la / santa See apostolica et del prinçipe nuestro sennor canoigo en la santa yglesia de Toledo et del consejo del rey / et reyna nuestros sennores jues comisario subexsecutor et subcolector apostolico en todo el reyno de Galisia / et obispados de Leon Oviedo et Astorga de la deçima et susidio agora ultimamente ynpuesta / en los reynos et sennorios de los dichos rey et reyna nuestros sennores por el nuestro muy santo Padre / Inoçençio moderno por la diuina prouidençia papa octauo a seruiçio et subençion de los dichos rey / et reyna nuestros sennores et para laa guerra de los moros de Granada ynemigos de nuestra santa fe / catholica la qual fue repartida et se cogio et pago en el anno proximo pasado de mill et quatroçientos / et ochenta et septe annos para ello dado et deputado por los dichos rey et reyna nuestros sennores / por vertud del çiertos poderes que de sus altesas tenemos ansimismo por el muy reuerendo / yn Christo padre et sennor don frey Fernando de Talabera obispo de Auila comisario prinçipal / apostolico en el negoçio de la dicha deçima et susidio por vigor de vn su poder et comision / por el a mi dado firmado de su nonbre et sellado con el sello de la santa crusada et refrendado / del discreto varon Pedro de Matute notario apostolico su seqretario el thenor del qual de / veruo ad berbum es este que se sigue:
Frey Fernandus Dei et apostolice Sedis graçia episcopus abulensis serenisimorumque prin/cipum Fernandi et Helisabet regis et regine Ispaniarum et etiam donnorum nostrorum confessor et consiliarius co/missarius et exsecutor apostolicus ad infrascripta vna cum reuerendo in Christo patre et donno Alfonsso de Valdiuiesso episcopo legi/onensi speçialiter deputatus venerabili et circunspecto viro Petro Altamirano prothonotario apostolico canonico toletano / regioque capelano salutem et sinceram in Domino caritatem. Nuper sanctissimus in Christo Pater et donnus noster donnus Ynno/cençius diuina prouidençia papa octauus suas apostolicas literras ad nos direxit sub datis kalendis marcii sub anno Incar/naçionis diuine milessimo quadrigentessimo octuagessimo sexto pontificatus sui anno terçio per quas nos re/çeptorem cum supradicto nostro colega colectoren exactorem constituit ad exigendum leuandum et recuperandum / per nos uel allium seu allios quem uel quos ad id deputauerimus et nobis subrrogauerimus vnam integram decimam omnium / fructuum reddituum et proventuum ecclesiasticorum vno integro anno a die publicacionis litterarum apostolicarum super hoc / concessarum conputando perveniencium de omnibus beneficiis ecclesiasticis tam majoribus quam minoribus tam regularibus / quam secularibus et etiam in omnibus regnis et dominiis prefactis magestatibus subjectis in subsidium multorum / superstitum(?) et expensarum nescessariarum ad expugnacionem infidelium regni Granate prout in dictis litteris apostolicis / super hoc confectis plenius continetur. Verum cum ad exsecucionem omnium et singulorum in dictis litteris apostolicis contentorum / aliis arduis prepedicti negociiss ad presens personaliter intendere nequeamus idcirco nos de tua prouidencia fidelitate et / recta conciencia plurimum in Domino confidentes quod ea que tibi super hoc commiserimus fideliter et cum diligencia adinplere / curabis auctoritate apostolica nobis in hac parte comissa et qua fungimur in hac parte te in subcolectorem exactorem / receptorem et substitum nostrum dicte decime in regno Galecie et in episcopatibus legionensi obetensi astoricensi / et in omnibus et singulis ecclesiis eorumdem prout melius posumus et de jure debemus constituimus facimus creamus et / nominamus dantes et concedentes tibi et substitutis a te facultatem potestatem et omnimodam autoritatem litteras pastolicas / prefactas exsequendi et huiusmodi decimam indictam et inpositam a prelattis capitulis conventibus et personis cleri dicti / regni et episcopatuum exigendi leuandi et recipiendi et recuperandi pro prefactis serenissimis domnis rege / et regina in expugnacione infidelilum convertenda reueles et soluere recusantes per censuram ecclesiasticam alias/que penas in dictis litteris apostolicis inposicionis dicte decime contentas conpelendi et cohartandi de receptis quoque / habitis et leuatis quitandi liberandi et absoluendi ceteraque omnia et singula nobis concesa et comissa ut dictum / est faciendi exercendi et exsequendi circa predicta que nos facere gerere exsequi et exercere possemus / si presentes interessemus. Super quibus omnibus et singulis et inde quomodolibet emergentibus et annexis et connexis / in te transferimus vices nostras easque tibi plenarie commitimus donec eas ad nos specialiter et et expresse duxerimus / reuocandas. In cuius rei fidem et tetimonium presentes literras nomine nostro signatas et per secretarium nostrum / infrascriptum subscriptas sigilli cruciate quo vtimur in presenciarum jussimus et fecimus inpenssione conmuniri. Date / in Castris Malacensibus vicesima septima die mensis maii sub anno a natiuitate Domini millessimo quadringentessimo / octogesimo septimo. Episcopus abulensis conmisarius apostolicus. De mandato reuerendisimi donni episcopi Petrus de Matute notarius apostolicus R. Duacionis secretarius.
Et en presençia de mi el notario / publico et de los testigos de yuso ecriptos para esto espe/çialmente llamados et rogados paresçieron ende / presentes los venerables Fernando Rodrigues de Pra/beo maestrescuela de la yglesia de Mondonedo / et Ruy Basanta canonigo de la dicha yglesia reçeutores / et cojedores de la dicha deçima et subsidio en la dicha / yglesia et obispado de Mondonedo et fesieron relaçion al dicho / reuerendo sennor prothonotario que non enbargante que en el / anno pasado de ochenta et seys annos por su mandado et comision / se sacara çierta ynquisiçion en la dicha yglesia et obispado / de Mondonedo de los frutos et rentas eclesiasticos et se fesiera / çierto globo et suma et libro de los mor. que cabia de pagar de deçima / en la dicha yglesia et obispado et agora cojendo ellos esta deçima et su/sidio avian fallado que en la dicha ynquisiçion oviera çiertos / yerros en los valores de algunos benefiçios et rentas et non se fesiera / verdaderamente la relaçion et suma dellos de manera que quedaran / muchas personas et benefiçios agrauiados por ende que suplicauan / et suplicaron et pedieron merçed a su reuerençia que quesese mandar corregir et emendar / los dichos yerros. Et luego el dicho reuerendo sennor prothonotario resçibio / juramento en forma deuida de derecho de los dichos maestrescuela et Roy Basanta / canonigo et de cada vno dellos sy los tales yerros que asi desian avian / pasado et era asy la verdad en commo ellos lo relatauan et ellos de/clarando el dicho juramento et so cargo del respondieron que sy. Et luego el dicho reuerendo / sennor prothonotario dixo que viendo su petiçion ser justa et consona a la rason / que mandaua et mando emendar et corregir los dichos yerros et faser vn libro et summa / de la dicha deçima para en la dicha yglesia et obispado de Mondonedo et personas della / en la forma et manera siguiente.
Primeramente la mesa obispal çiento et çinquenta mill mor. xvU
la mesa capitular çiento et quarenta et çinco mill mor. xiiiiºU
el deanalgo quinse mill mor. l Ud
la chantria tres mill et quinientos cccl
el arçidianadgo de Trasancos veynte mill mor. ii U
el arçidianadgo de Viuero veynte et dos mill mor. ii Ucc
el arçidnadgo de Montenegro con sus anexos dies
et ocho mill mor. lUdccc
el arçidianadgo de Azumara nueve mill mor. dcccc
la maestrescolia con sus anexos onse mill mor. lUc
la tesoreria quatro mill quinientos mor. ccccl
la judicatura con sus anexos quinze mill mor. lUd
Yglesias del deanalgo
Sant Mamed das Ouras mill mor. c
Sant Viçenço de Lagoa ocho mill mor. dccc
Frigulfe syn obispo dos mil dosientos et sesenta mor. ccxxvi
SantoThome de Recarey mill et dosientos mor. cxx
la yglesia de Recarey tres mill mor. ccc
la yglesia de santa Crus seys mill et quinientos mor. dcl
Sant Martin da Veyga dosientos mor. xx
Vilacanpaa syn obispo seysçientos mor. lx
Seonae de Laje syn obispo mill mor. c
Budian seys mill mor. dc
Mouçide syn obispo mill mor. c
Cordido tres mill mor. ccc
Sant Pedro de Cangas nueve mill mor. dcccc
Santiago de Fazouro tres mill mor. ccc
Seoane de Vilaronte seys mill mor. dc
Santa Çiçilia seys mill mor. dc
Sant Sebastian de Caruallido çinquo mill mor. d
Santo Açisco quatro mill mor. cccc
Santiago de Adelan ocho mill mor. dccc
la yglesia de Castrodoro syn obispo ochoçientos mor. lxxx
Sant Esteuan de Oyran dos mill et çien mor. ccx
Santa Maria de Vacoy quatro mill mor. cccc
Sant Jurjo de Cadramon mill et quinientos mor cl
San Pedro de Mor quatro mill mor. cccc
Arçiprestadgo de Aguiar
San Pedro de Taboy çinco mill mor. d
Sant Giaao de Moons con el prestamo quatro mil quinientos mor. ccccl
Santa Maria de Triavaa quatro mil mor. cccc
Santiago de Justanes tres mill mor. ccc
la yglesia de Mondris dos mill et quinientos mor. ccl
la yglesia de Luentia con el prestamo mil et ochoçientos mor. clxxx
Santa Maria de Ludrio dos mill mor. cc
la yglesia de Duancos tres mill çien mor. cccx
la yglesia de Meenda dos mill et ochoçientos mor. clxxx
Santo Andre de Barredo mill et quinientos mor. cl
Sant Bartolome de Lea dos mill et quinientos mor. cl
la yglesia de Viladonga tres mill mor. ccc
Sant Martin d Governo dos mil et dosçientos mor. ccxx
la yglesia de Ansemar seys mil mor. dc
Santiago de Duarria tres mill quinientos mor. cccl
Arçidianalgo de Trasancos
Sant Giaao de Ferrol treynta mil mor. iiiU
San Saluador de Sarantes dies mill mor. iU
Santa Maria de Brion ocho mill mor. dccc
Sant Romaao de Doninnos ocho mil mor. dccc
Sant Jurjo das Marinnas quatro mill mor cccc
Sant Yoan d-Esmelle quatro mill mor. cccc
Sant Martinno de Couas tres mill et seisçientos mor. ccclx
Sant Pedro de Marmancon dos mill mor. cc
Santa Ougia de Mandiaa quatro mill mor. cccc
Sant Matheu çinco mill mor. d
Santa Maria de Yglesiafeita mill et quinientos mor. cl
Santa Maria de Vilar tres mill mor. ccc
Santa Maria de Carança tres mill mor. ccc
San Pero de Leixa dos mill mor. cc
Santa Maria do Vale seys mill mor. dc
Sant Martinno de Tires dos mill mor. cc
Sant Viçenço de Meiraas dos mill et dosientos et çinquenta mor. ccxxv
Sant Thome de Taraça dos mill et dosientos et çinquenta mor. ccxxv
Santiago de Lago çinco mill mor. d
San Bartolome mill et quinientos mor. cl
Santa Maria de Sequeiro dos mill et quinientos mor. ccl
la capilla de Santa Çeçilia quinientos mor. l
Santa Maria de Castro dos mill mor. cc
San Giaao de Naron dos mill mor. cc
Sant Martinno de Marnela mill dosientos mor. cxx
San Pedro de Loyra mill et nueveçientos mor. cxc
Santiago de Pantyn mill et ochoçientos mor. clxxx
Sant Mamed de Atheos tres mill et quinientos mors. cccl
Santaalla d-Avynno tres mill mor. ccc
Sant Miguel d-Avinno mill quinientos mor. cl
Santo Esteuoo de Sedes quatro mill quinientos mor. cccc
Sant Viçenço de Plaçente mill mor. c
Santa Marina do Monte mill et quinientos mor. cl
Santaalla de San Sadornino quatro mill mor. cccc
Santa Maria de Narayo quatro mil mor. cccc
Sant Lorenço de Doso dos mill mors. cc
Sant Pedro de Anca tres mill mor. ccc
Santa Maria de Viladonelle dos mil mor. cc
Santa Maria de Neda ocho mil mor. dccc
San Nicolaode Neda tres mill mor. ccc
Arçiprestadgo de Çedeyra
Santa Maria das Pontes seys mil mor. dc
Sant Iohan de Freixo quatro mill mor. cccc
Santa Maria de Vilavella seys mill mor. dc
Santa Maria d-Espinaredo dos mill et quinientos mor. ccl
Santa Maria de Reçemel dos mil et dosientos mor. ccxx
Sant Paayo de Ferreira seys mill mor. dc
Sant Giao de Lamas seys mill mor. dc
Sant Jurjo de Nouche (Moeche) seys mill mor. dc
Sayoanne de Nouche (Moeche) mill et seysçientos mor. clx
Santa Crus de las Somoças tres mill et quinientos mor. cccl
Santiago de Seree çinco mill mor. d
Sayoanne dos Casares mill et ochoçientos mor clxxx
Santa Maria de Labaçengos tres mill mor. ccc
Santiago d-Abade quatro mill mor. cccc
Sant Viçenço de Vilaboa mill mor. c
San Fiins d-Esteiro ocho mill mor. dccc
Sant Romaao de Montojo çinco mil mor. d
San Iohan de Montojo quatro mill mor. cccc
Sant Martinno de Çerdido dies mil mor iU
San Cosmed de Pineiro ocho mil mor. dccc
Santa Maria de Çedeira seys mill mor. dc
Santaalla de Çerbo quatro mill mor. cccc
Sant Martinno de Vilarrube mill nueveçientos mor cxc
Arçiprestadgo d-Ortigueira.
Sant Cristobal das Ribeyras ocho mil mor. dccc
Santa Maria de Maanon quatorse mill mor, iUcccc
Santa Maria de Vares dose mill mor. los dos terçios son del
cabildo cabe a la otra terçia quatro mill mor. cccc
Sant Giliaao de Celtegos mill et quinientos mor cl
Sant Iohan d-Espasante ocho mill mor. dccc
Santaalla de Ladrido dose mil mor. iUcc
Sayoan de Loyba toda la yglesia dies mill mor. desto son
dos septimas del cabildo caben a las otras çinco septimas
mill et quatroçientos et setenta mor. dccxxlvii
Sant Cristouoo de Couçadoyro ocho mil mor. dccc
Sant Saluador de Couçadoyro nueve mill mor dcccc
Sayonane do Moesteyro dos mil mor. cc
Sant Iohan de Barboos dies mill mor. iU
Santa Maria de Loya quatro mill mor. cccc
Sant Martinno de Luama seys mill mor. dc
Santo Esteuao de Sysmundi dos mill mor. cc
Santa Marta quatro mill mor. cccc
Santiago de Cuina ocho mill mor. dccc
San Giliaao de Senrra dose mill mor. iUcc
San Paayo dos Freires mill et dosientos mor. cxx
San Sebastian mill et dosientos mor. cxx
San Saluador do Erbodo quatro mill et quinientos mor. ccccl
Sayone d-Ynsoa tres mill et dosientos mor. toda la iglesia
desto es la terçia del obispo caben a las otras dosterçias
dos mill et çiento et treynta mor. ccxiii
Santa Maria de Mera de Suso ocho mill mor. dccc
Santiago de Mera de Juso quatro mil mor. cccc
Santo Adriano nove mill mor. dcccc
San Pedro de Feaanes quatro mill mor. cccc
Santiago de Nandoy seys mill mor. dc
Santa Maria de Pedra quatorse mill mor. iUcccc
Santa Maria de San Croyo quinse mill mor. iUd
Arçidianadgo de Vyueiro
la cura de San Miguel de las Negradas mill et quinientos mor cl
San Romaao do Vale seys mill mor. dc
San Pedro de Minotos çinco mill tresientos mor. toda la
yglesia desta yglesia es la quarta parte del cabildo caben a los
otros tres quartos tres mill et nueueçientos et setenta et çinco mor. ccxcvii
la yglesia de Santa Maria de Soeuos quatro mill mor. cccc
San Pedro de Mosende mill et dosientos mor. cxx
San Esteban del Valle quatro mill mor. cccc
Sant Iohan de Coua dies mil mor. desta yglesia son los dos
terçios del obispo caben al otro terçio tres mill et tresientos et
treinta et tres mor. cccxxxiii
Santiago de Çeleyro dose mill mor. desta yglesia es vn ochauo
del cabildo et otro del monesterio de Sant Martinno dos Picos
caben a los otros tres quartos nueve mill mor. dcccc
el sesto con cura de Santiago de Viueyro seys mill mor. los otros
çinco sestos desta yglesia son del cabildo de Mondonedo dc
la quinta con cura de Santa Maria de Viueyro çinco mill mor. los
otros quatro quintos son del dicho cabildo d
Santa Maria de Magaços onse mill dosientos mor. iUcxx
Santa Maria de Galdo veynte mill mor. iiU
San Giaao de Lendroue trese mil mor. iUccc
San Pedro de Viueyro nueve mill mor. sin la parte de la
judicatura dcccc
Valcarria dies mill mor. iU
la yglesia de Chauin quinse mill mor. iUd
Santo Andre de Boymente ocho mill mor. dccc
la yglesia de Sesiriz seys mill mor. dc
Santa Maria d-Ourol quatro mill mor cccc
Santvaya de Mirille syn cura tres mill mor. ccc
San Pedro de Muras dos mill mor. syn la parte del obsipo cc
Yglesia de Yglijoa tres mill mor. ccc
Santiago de Brabos tres mill et septeçientos çinquanta mor.
syn cabildo ccclxxv
la yglesia de Burela tres mill et quinientos mor. cccl
la yglesia de Salgadelos tres mill mor. ccc
Sant Romaao de Vilastrofe septe mill mor. dcc
la yglesia de Rua dos mill mor. toda la yglesia desto es
la terçia parte del obispo et cabe a los otros dos terçios mill et
tresientos et treynta et tres mor. et medio cxxxiiii mº
la yglesia de Viueiroo tres mill mor. ccc
la yglesia de Faro quatro mill mor. cccc
la yglesia de Çerbo tres mill mor. syn la mitad que es del cabildo ccc
la yglesia de Moraas tres mill mor. vn quarto desta yglesia
es anexo al monesterio de San Martinno dos Picos caben
a los otros tres quartos dos mill et dosientos et çinquenta mor. ccxxv
la yglesia de Castelo seys mill mor. dc
la yglesia de Lieyro quatro mill mor. desta yglesia es la
mitad del cabildo cabe a la otra mitad dos mill mor. cc
la yglesia de San Bartolome do Monte con el prestamo
mill et quinientos mor. cl
la yglesia de la Rigueira de Ferrol nueve mill mor. dcccc
Sant Bartolome de Jobe dos mill mor. cc
la yglesia de Sumoas tres mill mor. ccc
Santaaya de Lago tres mill mor. ccc
la iglesia de Sylan tres mill et quinientos mor. cccl
la yglesia de Portozelo syn el cabildo dos mil et quatroçientos mor. ccxl
la yglesia de Joanzes dies mill mor. iU
la yglesia de Balsa dos mill mor. cc
la yglesia et cura de Santa Maria de Cabanas solamente la
cura della mill mor. c
la cura de San Pateon mill mor. c
la cura de San Payo de Riobarba mill et quinientos mor. cl
Arçidianadgo de Montenegro.
Arçiprestadgo de Riba de Minno.
la yglesia de Saavedra quatro mill mor. cccc
la yglesia de Valdomar dos mis mor. cc
la yglesia de Gonte dos mill et quinientos mor. ccl
la yglesia de Yllan quatro mill mor. cccc
la yglesia de Gaibol dos mill et quinientos mor ccl
la yglesia de Trobo dos mill et ochoçientos mor. cclxxx
la yglesia de Joyban mill mor. c
la yglesia de Felmill dos mill et seysçientos mor. cclx
la yglesia de Damill dos mill mor. cc
la yglesia de San Martinno de Pyno tres mill et quinientos mor. cccl
la yglesia das Seixas mill et seysçientos mor. clx
la yglesia de Vilapene dos mill et dosientos mor. ccxx
la yglesia de Sistallo tres mill mor. ccc
la yglesia de Santa Cristina de Goaa mill et tresentos cccxxx
la yglesia de Cospeyto dos mill mor. cc
la yglesia de Jermar quatro mill mor. cccc
la yglesia de San Martinno de Lamas dos mill et quinientos ccl
la yglesia de Villar dos mil mor. cc
la yglesia de Beestar mill et quinientos mor. cl
la yglesia de Santalla dos mill mor. cc
la yglesia d-Arçillaa tres mill et çien mor. cccx
Arçiprestadgo de Entranbas Aguas
la yglesia de San Pedro de Pígara quatro mill mor. cccc
la yglesia de San Juan d-Alua çinco mill mor. d
la yglesia de San Bartolome quatro mill mor. cccc
Santiago de Boyçan dos mil et quinientos mor. ccl
Sangiaao Caçaas septe mill mor. dcc
San Martinno de Distris tres mill mor. ccc
la yglesia de Burgaas quatro mill mor. cccc
la yglesia de Gondaisque tres mill mor. ccc
la yglesia de Santa Maria Mayor tres mill mor. ccc
la yglesia de Codesydo septe mill mor. dcc
la yglesia de Germade quatro mill mor. cccc
la yglesia de San Martinno de Belsar ocho mill mor. dccc
la yglesia de Parral quinientos mor. l
San Mamed de Mooman dos mill mor. cc
la yglesia de Miraz mill et çien mor. cx
la yglesia de Candamill quatro mill mor cccc
la yglesia de Santaballa de Tristemill ocho mill mor. dccc
la yglesia de Losada tres mill et dosientos mor. cccxx
la yglesia de Roupar seys mill et tresientos mor. dcxxx
la yglesia de Santa Marina de Cabreiros
seys mill et septeçientos dclxx
la yglesia de Ladra mill et quinientos mor. cl
la yglesia de Santa Maria do Burgo sin la mitad del
obispo mill et dosientos et çinquenta mor. cxv
San Martinno de Noche mill et quinientos mor. cl
Sancoobade dos mill et ochoçietos mor. cclxxx
la yglesia de San Cosmed tres mill mor. ccc
la yglesia de Ladrela mill et quinientos mor. cl
(Na marge atópase unha nota que di: No se halla esta yglesia
de Ladrela porque es todo Pineyro y Miraz
et no se le ha de repartir nada)
la yglesia de Santa Maria et Sayoan de Vilalua seysçientos mor. anbas lx
la yglesia de Mourençe tres mill et quinientos mor. cccl
la yglesia de Pineiro mill et dosientos mor. cxx
Arçiprestadgo de Parga
la yglesia de Vilares dies mill mor. iU
la yglesia de Sayoane de Lagostelle ocho mil mor. dccc
Santa Maria de Maaris dos mill et quinientos mor. ccl
la yglesia de San Giaao de Baçin mill et quinientos mor. cl
la yglesia de Santo Esteuao da Pooua
dos mill et quinientos mor. ccl
la yglesia de Sant Breixome mill et quinientos mor. cl
la yglesia de Santa Locaya tres mill mor. ccc
San Giaao de Roca dos mill mor. cc
la yglesia de Santa Crus tres mill et dosientos mor. cccxx
Santiago de Trasparga dos mill et septeçientos mor. cclxx
la yglesia de Sant Saluador tres mill mor. ccc
Arçidianadgo de Azumara
la yglesia de Meylan ocho mill mor. dccc
la yglesia de Riotorto ocho mill mor. dccc
la yglesia de Moxoeyra seyssçientos mor. lx
la yglesia de Reçesende syn el quarto del cabildo dos
mill et qutroçientos mor. ccxl
la yglesia de Vilameaa onse mill mor. iUc
la yglesia de Judan syn la mitad que es anexo del
arçidanadgo de Azumara quatroçientos çinquenta mor. xlv
la yglesia d- Aluare çinco mill quinientos mor. dl
la yglesia de Garda syn et sesto que es del monesterio de
Santa Coomba que es anexxo del cabildo dos mill mor. ccx
la yglesia de Pastoriça syn la terça della que es anexa al
monesterio de Villanueva de Lorençaa mill et çiento et
treynta et tres mor. et medio cxiii
la yglesia de Vian syn la mitad que es del cabildo mill mor. c
la yglesia de Sant Martin de Corbelle tres mill mor. ccc
la yglesia de Santa Marina de Moymenta tres mill et quinientos cccl
la yglesia de Vaçar seys mill mor. dc
Santa Maria de Outero dos mill mor. cc
la yglesia de Paaços con el prestamo dos mill et quinientos ccl
la yglesia de Bejan dos mill mor. cc
Santa Locaya tres mill et çien mor cccx
San Juan de Castro de Rey mill et seysçientos mor. clx
la yglesia de Prevesos dos mill mor. cc
la yglesia de San Juan de Azumara mill et ochoçientos mor. clxxx
la yglesia de San Martinno de Ferreiros tres mill et seysçientos
mor. con el prestamo ccclx
la yglesia d-Aldurfe dos mill et dosientos mor ccxx
la yglesia de Santa Maria de Ramill dos mill et tresientos mor. ccxxx
Santo Andre de Ferreiros quatro mill mor. cccc
San Cosmed quatro mill mor. cccc
Fuminaa dos mill et çien mor. ccx
la yglesia de Sant Mamed dos mill et septeçientos mor. cclxx
Sant Fiins de Baltar mill et quatroçientos mor. cxl
la yglesia de Posada dos mill et seysçientos mor. cclx
la yglesia de Saldanje syn cabildo dos mill et seysçientos mor. ccxl
la yglesia de Balmonte dos mill et quatroçientos mor. ccxl
la yglesia de Creçente dos mill et quinientos mor. ccl
Chantria
la yglesia de Lagoa quatro mil quinientos mor. ccccl
la yglesia de Cadabedo con el prestamo ochoçientos mor. lxxx
Santa Maria Mayor çinco mill mor. d
la yglesia de Vbeda con el prestamo dos mill mor. cc
la yglesia de Argomoso syn lo del cabildo mill et dosientos
et çinquenta mor. cxxv
la yglesia de Fornea syn los dos terçios dela que son anexos
del monesterio de Villanueva ochoçientos mor. lxxx
Sant Giliaao de Cabarcos dies mill mor. iU
la cura de Sant Pedro d-Arante mill mor. c
la cura de Castineira quatroçientos mor. xl
la yglesia de Reynante çinco mill mor. d
la yglesia de Villamin mill et dosientos mor. cxx
Sant Pedro de Vilachaa seys mill mor. dc
la yglesia de Couboeyra con el prestamo seysçientos mor. lx
Sant Martinno de Figueiras
con el prestamo mill et çien mor. cx
Mestrescolia
la yglesia de Labrada dies mil mor. iU
la yglesia de Sant Simon dies mill mor. iU
San Martinno de Lançoos onse mill mor. iUc
San Saluador de Lançoos mill mor. c
Santiago de Guyris ocho mill mor. dccc
San Lorenço de Saasdonegas syn los dos terçios que son
del cabildo mill mor. c
la yglesia de Galgao syn la mitad que es anexa
a la mestrescolia seysçientos mor. lx
Santa Maria de Romaris syn el terçio que es anexo de la
mestrescolia tres mill mor. ccc
Santa Maria de Corbelle syn la mitad que es del cabildo
dos mill mor. cc
la yglesia de Caruallido quatro mill mor. cccc
la yglesia de Moonzelos syn el terçio que es de la
judicatura dos mill et quatroçientos mor. ccxl
San Jurjo de Goaa dos mill mor. cc
Santiago de Quende syn la mitad que es del cabildo
mill et tresientos mor. cxxx
la terçia con cura de Gontan quatroçientos mor. et las
otras dos terçias son del obispo xl
la yglesia de Santa Maria de Cabaneyro mill mor. c
la terçia con cura de Castromayor dos mill mor.
et los dos terçios son del obispo cc
la yglesia de Abadin dos mill et noveçientos mor. ccxc
la yglesia de San Pedro de Corbite mill et tresientos
mor. cxxx
la yglesia de Santa Maria Madanela de Granna quatro mill cccc
la yglesia de San Juan de Granna mill et septeçientos mor.
syn la mitad que es del cabildo clxx
la yglesia de Villapedre dos mill et çien mor. (Na marxe dise):
mandose por los sennores del cabildo testar que pagan en Santiago
la yglesia de Roman mill et septeçientos mor. clxx
la yglesia de Montoto quinientos mor. l
la yglesia de Santalla de Fanoy tres mill et dosientos cccxx
la yglesia de San Pedro de Candea con el prestamos quatro
mill et quatroçientos mor. ccccxl
la yglesia de San Cristoual de Xamarugo dos mill et
tresientos et dies mor. ccxxxi
la yglesia de Santa Maria de d-Aveleedo
tres mill et quinientos cccl
la yglesia de Sant Miguell de Roaas mill et quinientos cl
la yglesia de Santo Andre de Loboso mill et çien mor cx
la yglesia de Aldije dos mill mor. cc
Administraçion de las Riberas de Sante
la yglesia de Trabada dose mill mor. iUcc
la yglesia de Vilaforman tres mill mor. ccc
la yglesia de Sante nueve mill mor. dcccc
la yglesia de Santaalla tres mill dosientos mor. cccxx
la yglesia de Coojela dos mil et quinientos mor. ccl
la yglesia de Valboa syn las dos terçias que son
del obispo mill mor. c
la yglesia de Çedofeita mitad con cura quatro mill mor.
et la otra mitad es del cabildo cccc
la terçia con cura de San Viçenço de Cubelas dos mill
et tresientos et dies mor. porque los otros dos terçios son
anexos el vno del cabildo el otro de lajudicatura ccxxxi
la yglesia de San Juan de Pineira vn terçio con cura con el
otro del prestamo quatro mill mor. syn el otro terçio
que es del cabildo cccxl
Administraçion de Villamayor
la cura de Varonçelle mill et tresientos mor cxxx
la mitad de la ygleisa de Santa Maria de Villamaayor vn
quarto con cura et otro syn cura seys mill et çien mor. et
la otra mitad es del cabildo dcx
la yglesia de Santo Andre de Masma syn el ochauo que es
del cabildo çinco mill dosientos et çinquenta mor. dxxv
la yglesia de Vilaoalle la mitad con cura mill et tre-
sientos mor. la otra mitad es del cabildo cxxx
Administraçion de San Miguel
la mitad con cura de Santiago de Nindin dos mill mor. es
la otra mitad del cabildo cc
la yglesia de Santa Cristina de Çeleyro çinco mill mor. d
la yglesia de Sant Justo de Cabarcos quatro mill mor. cccc
Administraçion de Bretonna
Santo Adrao de Lourençaa dies et seys mill mor. iUdc
Santome de Lourençaa dose mill mor. iUcc
Sant Jurjo de Lourençaa dies mill mor. iU
la yglesia de Bretonna seys mill mor. syn la parte que es
del cabildo (hun tresquartos) dc
Santo Esteuan d-Agoas Santas que es de la jurdiçon de la
administraçion de Sant Cosme de Barreiros seysçientos mor. lx
Mesa del sennor Obispo
Santaalla da Deuesa quatorse mill mor. iUcccc
Santiago de Foz dose mill mor. iUcc
la yglesia de Moogor terçia con cura syn las dos terçias
que son del obispo dos mill mor. cc
Santa Maria Madanela de Sobrada dos mill et dosientos mor ccxx
San Mamed de Oleyros quatro mill et quinientos mor. ccccl
Sayoane de Sylua dos mill et quinientos mor. ccl
Santiago de Sylua mill et quinientos mor. cl
Santiago de Reigosa mill mor. c
Santa Coomba de Duancos tres mill mor. ccc
la yglesia de Minno ten conpostura con el cabildo de pagar
quinientos mor. d
Monesterios
El monesterio de Villanueva de Lourençana con su con-
uento capilla et anexos çinquenta mill mor. vU
El monesterio de San Martin de Mondonedo con su con-
uento veynte mill mor. iiU
El monesterio de Coolleyra tres mill mor. ccc
El monesterio de las Negradas seys mill et quinientos mor. dcl
El monasterio de Sancti Spiritus de Milid dos mil mor. cc
El monesterio de Monfero con las yglesias de Labrada
Boris et Gestoso quarenta et dos mill mor. iiiiUcc
El monesterio et prioradgo de Pedroso seis mill et quinientos dcl
El prioradgo de San Martinno de Joyba dies mill mor. iU
Santo Domingo de Santa Marta dies mill mor. iU
la granja de Brion et renta que tiene el abad de
Sobrado en el obispado de Mondonedo veynte mill mor iiU
la capellania de Sant Martinno de Joyba mill mor. c
San Martinno dos Picos con sus anexos septe mill dcc
Capellas
la capilla et suçesion de San Pedro seysçientos mor. lx
la capela de Sant Juan dosientos mor. xx
Ferreira dos Carriis syn la parte que es da capela seiscientos mor. lx
San Juan d-Obe syn la parte del commendador solamente la
cura de la dicha yglesia ochoçientos mor. lxxx
(Na marxe lese: Hase de repartir al otro terçio
sin cura de esta yglesia de Sant Juan de Obe
que se atitula doçientos et sesenta mor. del de çima)
la capela de Ribadeu tres mill mor. ccc
la capella de Madanela mill et dosientos mor. cxx
la capela de Johan de Ben \Santiago de Viuero/ quinientos mor. l
la capela de la Trinidad con sus anexos quatro mill mor. cccc
la capela de Vilapene sin la mytad que es del obispo
et capella de Trinidad seisçientos mor. lx
Sant Miguel de Reynante dos mill mor. cc
Santa Maria Madanela de Noys quatroçientos çinquenta mor. xlv
Sant Martinno de Vilourus nueveçientos mor. xc
Sancti Spiritus de Villalua seisçientos mor. lx
Sant Juan de Villalua la capela quatroçientos mor. xl
Arçiprestadgo de Milide
Sant Pedro de Milid quatro mill mor. cccc
Sant Martino de Golpes mill et quinientos mor. cl
Sant Romaao dos mill mor. cc
Sant Viçenço mill et çiento et çinquenta mor. cxv
Sant Martinno de Vilar de Meos mill et dosientos mor. cxx
Santa Maria de Novela mill mor. c
Sant Pedro de Vilantime tres mill mor. ccc
Santa Maria de Vimianço mill et novençientos mor. cxc
Santa Maria de Milid mill et tresientos mor. cxxx
Santiago de Linares mil et dosientos mor cxx
Prestamos canonisibeles
El prestamo de Santa Maria Mayor mill mor. c
E prestamo de Santaalla da Deuesa seysçientos mor. lx
El prestamo de Vylatuymill tresientos mor. xxx
El prestamo de Fitoyro con los botos de Bretonna et diesmos
de Vbeda mill et quatroçientos mor. cxl
El prestamo de Justaas çinquenta mor. v
El prestamo de Bejan çinquenta mor. v
El prestamo d-Estelo quinientos mor. l
El prestamo de Sta. Maria de Corbelle çien mor. x
El pretamo de la Recadeheira quinientos mor. l
Los prestamos de Sant Martinno de Corbelle et de Sant Pedro de Cangas et las hermitas de Santa Coonba et de Sant Pedro de Mooman porque son anexos de la meestrescolia no se cargan aqui.
El qual dicho libro et suma asy fecho se fallo por cuenta que montan la dicha deçima et era su valor en la dicha yglesia et obispado de Mondonedo en quontia de de dosientas et dos mill et quinientos et çinquenta et seys mor. cciiUdlvi
El qual dicho libro visto et exsaminado por el dicho reuerendo sennor prothonotario jues commisario subexsecutor et subcolector apostolico et los agrauios manifiestos que la dicha yglesia et obispado de Mondonnedo avia resçibido et resçibia de cada dicha en los inmensos repartimientos que le eran fechos de cada dia por la yglesia castellana quando susidio o deçima se repartia et por que los constaua legitimamente de su pobresa et de los agrauios que de continuo le eran fechos en los tales repartimientos et querendo remediar la dicha yglesia et obispado de remedio con justiçia vsando de la abtoridd apostolica et por vertud del poder et facultad de suso incorporado que tenia del dicho reuerendo sennor el obispo de Auila comisario apostolico prinçipal interponia et interpuso su decreto et abtoridad a este dicho libro de decima et que mandaua et mando que valiese et fesese fe en todo lugar et que fuese avido et deuido por verdadero libro et suma de deçima en la dicha yglesia et obispado de Mondonedo agora et de aqui adelante et que por el et segundo el thenor et forma del se cojese repartiese et pagase la dicha deçima et susidio agora et de aqui adelante otra qualquer deçima et susidio cada et quando que a la dicha yglesia et obispado de Mondonedo fuese inpuesta et que non le fuese inpuesto nin repartido desde aqui adelante mayor suma nin quantidad de deçima et susidio mas de la contenida en este dicho libro nin la dicha yglesia et obispado et personas del fuesen obligadas a mas quantidad de deçima et susidio pagar et que asy lo mandaua disçernia et determinaua et mando diçernio et determino cunplir guardar firme et perpetuamente desde aqui adelante para syenpre jamas en la dicha yglesia et obispado por su defenitiua sentençia la qual daua et proferia et dio et proferio çerca de lo sobredicho en la dicha rason en estos escriptos et por ellos. E para mayor firmesa lo firmo de su nonbre et lo sello con su sello et lo mando signar a mi el notario publico infrascrito su secretario. Que fue dada et fecha en la dicha çibdad de Santiago anno dia et mes susodichos. Testigos que fueron presentes Aluaro Ramires et Alonso del Castillo criados et familiares del dicho sennor prothonotario et Pedro Arias del Valle et Martin de Otero vesinos de la çibdad de Villamayor de Mondonedo et otros.
Petrus Altamirano apostolice Sedes ac yllustris principis prothonotarius. (Selo en seco sobre papel no que se pode ler: Signum donni Petri Altamirano Sedis apostolice prothonotarius).
Et yo Alonso de las Cueuas por la aboridad apostolica y real escriuano y notario publico en vnno con los dichos testigos presente fuy a todo lo susodicho segund en estas diez fojas de papel de dos en pliego se contiene et van rublicadas de la senal de mi rublica el qual a ruego et pedimiento de los dichos mestrescuela et Rui Basanta et por mandado del dicho sennor prothonotario que aqui firmo su nonbre la fiz por otro fielmente escriuir et lo ley et colaçione et por ende fiz aqui este mio signo acostunbrado que es a tal en testimonio de verdade rogado et requerido. (Rúbrica e signo; na parte inferior deste lese: Alfonsus de las Cueuas apostolicus notarius).
